كلمات : الشاعر الوجيه
الحان : هاوي
اداء : محمد الحداد
توزيع : محمد هاشم سلطان
—
كلمات العمل :
قلت يمّه فيني شيٍ مارحمني … من عرفته وانا في حكمه اسير
شاغلٍ بالي وباحواله شغلني … عارفٍ دربي وباحوالي خبير
كل ما اقفيت في دربٍ لحقني … قام يطامر داخل ضلوعي خطير
سامعٍ صوته وكلمته وسمعني … لا سألته ويش تبي قال المصير
مافهمته ويش يبي مني وفهمني … ما اشوفه وكني في شوفه ضرير
ولا نويت بشي يايمّه منعني … قام يردد لا تسوي وما يصير
ولا تخطيته بأمره ماعذرني … قام يعاتبني وحسباله صغير
ولا سمعت الراي في شورٍ امرني … شفت يومي من سواة امره عسير
حايرٍ فكري ويايمّه تعبني … حتى صلاتي قمت فيها استخير
من حكم فيني وحكمه ماظلمني … بس إنه كان في حكمه مرير
ودّي ادري يالعزيزه من سكّني … من تربع واعتلا عرشي امير
فزّت امي وأضحكت ثم احضنتني … قالت إبشر ياولدي هذا الضمير
