مفتاح الدار – من البوم حن الوطن
للفنان عبدالفتاح عوينات

كلمات : خليل عابد
توزيع : عمر الصعيدي
إنتاج :
Golden Vision

…..

كلمات العمل :

مفتاح الدار أغلى من الذهب عندي
إلكم يا صغار راح يتروث من بعدي
طال المشوار وهالمفتاح بايدينا
رمز وشعار هيو لحق العودة

هات المفتاح يا حجي تا نذكر
كرم التفاح مع كرم اللوز الأخضر
ويا أبو فلاح ع بيتك لا تتحسر
بكره بنعود والله يفرج هالشدة

ريحة البلاد بهالمفاتح محلاها
وإن الله راد راح نتنسم هواها
وعيشتنا غاد مين بيقدر ينساها
زينة هالكون وكل الدنيا يا أرضي

يا ما حنيت بايدي افتح أبوابك
بسراج لزيت أضوي على كل أحبابك
وأحكي يا ريت أرجع أقعد باعتابك
وأنده عالضيف هلا بك ميل عنا

ميلي – من البوم حن الوطن
للفنان عبدالفتاح عوينات

كلمات : خليل عابد
توزيع : عمر الصعيدي
إنتاج :
Golden Vision

…..

كلمات العمل :

بكى هالقلب عالدار الهوى
وغزلت الحب أشعار بهواها
والله يوم يرجعني هواها
لحني الشيب وأرجع شباب

ميلي لو مال الهوى لا تلومي علي
يا ريت نرجع سوى للعيشة الهنية
لغنيلك عالنوى قصايد حنيني
وخلي الدوالي تميل وتظلل حواللي

وعالبيدر كان السهر يا جفرا يحلالي
واكتب اسمك عالقمر بحروف موالي
والطير حدي عبر سمعته حكى لي
اوعى تغرب يا حلو الغربة ذلية

والفرقة كانت غاصب لتزيد في عتابك
وعندك خليت القلب معلق على أبوابك
أول ما مشيت الدرب وصلني جوابك
وإنتي أدرى في حالي وشو اللي صاير فيّ

يابا بكفى يا جفرا دمع لرجع لك وأجيلك
نمشي ع حد النبع تحكيلي وأحكيلك
عالندى نسقي الزرع والزاد بمنديلك
نقعد نتريق سوى من ايدك وايدي

ع الخيمة – من البوم حن الوطن
للفنان عبدالفتاح عوينات

كلمات : خليل عابد
توزيع : عمر الصعيدي
إنتاج :
Golden Vision

…..

كلمات العمل :

عالخيمة كتبنا الوعد راح نستنى رجعتنا
وخبينا قوشان الأرض بين سنين غربتنا
وخلينا مفتاح الدار بالصدر وبين الأسرار
والله وإن طال المشوار إلنا حق بعودتنا

فارقنا بلدنا صغار وكبرنا وشيبنا
ما نسينا طريق الدار ولا بين الخلق ذبنا
بدمع الشوق والتذكار راسلنا حبايبنا
وأسامينا بتظل هناك محفورة بزيتونتنا

وبليل المخيم كان عشق بلاده أغانينا
وغزلنا للوطن ألحان تصبرنا وتواسينا
وظله الأمل سهران لو نغفى يصحينا
وحلم العودة فينا ظل صورة حلوة لقريتنا

ومهما نغيب راح نرسى عالشط الفلسطيني
وحق العودة ما ننسى ولا هالبيت ناسيني
وبالصرخة وبالهمسة أندهله يناديلي
ويبقى هالوطن مشتاق ناطر يوم عودتنا

حن الوطن – من البوم حن الوطن
للفنان عبدالفتاح عوينات

كلمات : خليل عابد
توزيع : عمر الصعيدي
إنتاج :
Golden Vision

…..

كلمات العمل :

يابا لو عاد السهر في أرضي وعتابا
لغنى الأووف وعالميج وعتابا
أنا بحب الأرض وبجرحي عتابا
وأنا المجروح من طول الغياب

حن الوطن يابا وصلت مراسيله
دمع البعد يابا اكتب مواويله
اكتب له مهما نغيب عن بالنا ما يغيب
راح تنطق المكاتيب عنا وتحكيله

وطني بغلاة الروح لا والله وأزود
والعودة إلنا حق عمره ما يتعوض
بنشتري وما نبيع لو تدفعوا أزود
احنا دفعنا الدم لأجله نضحيله

وين الخلق تسمع كلمة ما أثنيها
هالدار راح ترجع وأرجع وأبنيها
والروح لو تطلع معلقة فيها
حب الوطن يا ناس بقلوبنا نشيله

يا ناطرين الدرب لابد ما نرجع
بكرة الفجر بيطل وبهالوطن يلمع
غنى الوطن وبشوق يا ليل قوم اسمع
يا أبو قلب مجروح ردد مواويله