أغنية “يا حسرة عليك يا دنيا” من التراث الجزائري
من تأليف ياسين أبو عابد وغناء كمال المسعودي يعيد الفنان حمزة نمرة توزيعها
في الموسم الثالث من برنامج ريمكس مضيفا عليها لمسات غربية ساحرة
مع الفنان أمين بابيلون محمد أمين – من فرقة
Babylon.

—-

كلمات ” يا حسرة عليك يا دينا ” :

يا حسرة عليك يا دِنيا
فيك حكاية و حكايات
سامِيني و قَعدِي حِذايا
و احكيهُملي بثَبَات

علاش هكذا حاقدة و سِميّة
تظلّي تبدلي في الصفات
تعذبي فيّا غير بشِويَّة
عييت من عذابِك بَرَكَات

تلعبي بيّا ولّا معايا
جاوبيني علاش هاذ السكات
قالولي عليك مسرحية
أنا المسرح سكنلي في الذات
التذكِرة خلَّصتها غالية
اديت معايا شِي وردات
دخلت للقاعة صفقوا عليّا
طلع الستار و الضو طفت

لقيت روحي في تمثيلية
و الديكور خوف و دمومات
طَمّعتيني و دِرتي عليّا
عندي جَدي بالصحبات

يا حسرة عليك يا دِنيا
فيك حكاية و حكايات
سامِيني و قَعدِي حِذايا
و احكيهُملي بثَبَات
علاش هكذا حاقدة و سِميّة
تظلّي تبدلي في الصفات
تعذبي فيّا غير بشِويَّة
عييت من عذابِك بَرَكَات

شحال من سلطان كان في دِنيا
جيوش لأمره طايعات
مال و عز قصور و سرايا
العسَّة عليه بالأولوفات
غفل غفلة انقلبت الحَيَّة
في ليلته ما صاب وين يبات
ذوَّقتي فلان عسل و فاكية
و فلان شمَّختيله الفتات

فلان حرمتيه من الذرية
و حياته من الفرحة خوَت
فلان طلّق زوجته المسكية
زعف لمّا جابتله البنات

يا حسرة عليك يا دِنيا
فيك حكاية و حكايات
سامِيني و قَعدِي حِذايا
و احكيهُملي بثَبَات
علاش هكذا حاقدة و سِميّة
تظلّي تبدلي في الصفات
تعذبي فيّا غير بشِويَّة
عييت من عذابِك بَرَكَات

المسجون يبجى الحرية
بالدقيقة يحسب الأوقات

الشهّار يحلم بالشهرية
يا حليلو مولى وليدات

كبدة لُميمة مشوية
واش سهرت واش ربَّت

على وليدها بدَّل الجنسية
عجبه زين الروميات

خلّى يُمّاه وحدانية
من البِكاء و الحَرقة انْعَمَت
باش يبيِّن الرجولية
بعثِّلها زوج محَرْمَات

يا حسرة عليك يا دِنيا
فيك حكاية و حكايات
سامِيني و قَعدِي حِذايا
و احكيهُملي بثَبَات
علاش هكذا حاقدة و سِميّة
تظلّي تبدلي في الصفات
تعذبي فيّا غير بشِويَّة
عييت من عذابِك بَرَكَات

يا حسرة عليك يا دِنيا
يا حسرة عليك يا دِنيا