استعيذوا – من البوم مولود سنة ٨٠
أداء والحان حمزة نمرة

كلمات: منتصر حجازي
توزيع: احمد نصر الدواوي
—

كلمات العمل :

استعيذوا بالله من شر إنسان مليان أذية
ومن شر جاحد بقلب فاسد ونفوس خلايق
شياطين رضية
واتقي شر اللي أحسنت إليه
ف الوش يضحك وف نفسه ناويلك على نية

من نفوسكم ألف مرة.. استعيذوا

من شرور الإنسانية
والابتسامة الصفراوية
وناس جماد فاكرينها مية
واللي فاكرينه سند
واستعيذوا من الجبان
اللي قولنا عليه أمان
سابنا في الآخر وخان
وقلبه كان بركان حسد

ومن نفوسكم ألف مرة.. استعيذوا

من كسرة في عيون الحبايب
من عشم في حبل دايب
من ضمير معيوب وغايب
وذمة أوسع من بلد

من لقا شبه الوداع
من مرارة حلم ضاع
استعيذوا من اللي باع
وفينا كان نازل هدد

من قلوب سودا ولئيمة
من مشاعر شغل سيما
واللي نيته مش سليمة
كل دين وله سدد

استعيذوا من الرزايل
من كسر نفس وبخت مايل
من أمل في الدنيا زايل
واحنا فاكرينه أبد