دروب الحرية – أداء محمد بشير

كلمات : أيمن الجبلي
ألحان : مالك نور
توزيع محمد بشير
Mix & Master : Mohammad Bashir Studio
شكر خاص : هيثم الحلبي – براء مسعود
محمد شحود – أحمد المنصور
—-

كلمات العمل:

محروسة يا بلد الحب والجاية أحلى
البلد الأهلا سوريين العز بيلبقلا

عدروب الحرية مشينا والراية خضرا
والفرحة كملت بالشام اللي صارت حرة
ونسينا الأيام الصعبة وسنين المُرة
بهمتنا وبأمل كبير رح نرسم بكرا

سوريا لوحة أفراح
زمن اللون الواحد راح
عطرِك وحدو هو بيبقى
وياسمينك حقو يرتاح

زينوا المرجة والمرجة لينا
شامينا فرجة وهي مزينة

يا جنة عالأرض وناسِك أحلى شي فيكي
يا شمس بتعطينا دفا مين بيعطيكي
أنت الأم وكل ولادِك بيخافوا عليكي
وكلشي حتى الروح بترخص كرمال عينيكي

سوريا لوحة أفراح
زمن اللون الواحد راح
عطرِك وحدو هو بيبقى
وياسمينك حقو يرتاح

زينوا المرجة والمرجة لينا
شامينا فرجة وهي مزينة