كليب حكاية ثورة - هيثم الحلبي | شبكة سما العالمية

كليب حكاية ثورة - هيثم الحلبي

Google Ads Responsive

حكاية ثورة – أداء هيثم الحلبي
FACEBOOK : fb.com/haithamalhalabiartist1
INSTAGRAM : instagram.com/haithamalhalabiartist
TWITTER : twitter.com/haithamhartist

كلمات الشاعر : ظافر صالح الصّدقة
من إنتاج : روح للإنتاج المرئي والمسموع
—-

كلمات العمل :

إدلب الحرة
إدلب جمعت كل حبابا
ما متلا ضم الملهوف

حمص القلعة الهدو بوابا
داريا الكرم المقطوف

إدلب ما بتخذل احبابا
إدلب مافي عندا ضيوف

تداري المستورة بجلبابا
و لتدفيها بتغزل صوف

إدلب يل كتروا طلابا
صفوا قبالا صفوف صفوف

ما تساوم لو مهما صابا
عم يفديها ألوف ألوف

و الكون بيحسب عحسابا
و الظالم ميت مِ الخوف

هي إدلب كتبوا عبوابا
ثورتنا ما فينا نعوف
…….
إدلب بتواسي أحبابا
هي إدلب إم الملهوف

سورية و يا مغلى ترابا
ولادا ياما استلوا سيوف

هي يبرود و هي مسربا
نبك القمر الصابو خسوف

هي قارة الكسرولا جنابا
و الرقة البلد المخطوف

الشهباء اللي سرقوا شهابا
جسر الدير الصار رفوف

الناعورة القتلوا أحبابا
ماعميت بعدا بتشوف

و الحسكة الطردوا اصحابا
و بدرعا الحال المعروف

و الشام الحرقوا أعصابا
القلبوها لعاصمة الخوف

ثورتنا اللي طال غيابا
طلت بالوجه المألوف

رجعت لبست نفس تيابا
و رجعلا الصوت المعروف

ثورتنا اجتمعت أقطابا
و بنقاطا بتكمل الحروف

ماتساوم لومهما صابا
عم يفديها ألوف ألوف

بثورتنا فاتت سكين
-1-
بثورتنا فاتت سكين
هادا شمال و هادا يمين
وهاد مدورعالمصرات
وهاد مدور عنياشين
و هاد العندو تخفيضات
و هاد الهارب بملايين
و هاد العامل مؤتمرات
و هاد اللي يتاجر بالدين
– 2 –
أسد و نمر و نمس و ضب
ضْفادع مع سرب حْساسين
عجزوا و جابو جيش الدب
و جابوا عقارب و تعابين
الشعب السوري أوعى شعب
ما بيقبل حكم حواوين
بدنا نسقط ذيل الكلب
والكلب الاسمو بوتين

– 3 –
مجلس أمن و قمة نصب
عم يقلق يشجب و يدين
عالم عامل حالو محب
لكن مابيسمع تخمين
فسفوري و عنقودي وضرب
و ما منعوا إلا السارين
كل الدنيا بتحمل ذنب
هالأطفال المقتولين

– 4 –
ثورتنا ثورة اخلاء
و أخلاءك من صلب الدين
مو ثورة صف وإملاء
ثورة قول وفعل الحين
ثورة لتصحيح الأخطاء
تفضح كل النصّابين
بالإظهار و بالإخفاء
كيف ووين وليش ومين

– 5 –
ثورة و بكل الأشياء
اتقرّب كل المختلفين
ثورة بفنون الإحياء
ثورة بأصول التلوين
ثورة من الألف للياء
تسطّر للمجد عناوين
ثورة و بكل الأرجاء
ثورة لكل السوريين
– 6 –
ثورتنا ضد الأزلام
ضد الناس المنبطحين
ثورة تخلي بواب الشام
أعلى من أسوار الصين
ثورة بتدفعنا ل قدام ( إدام)
و شمالا يضم اليمين
ثورة تخبر بالأرقام
و بترفض عهد التخمين

– 7 –
ثورة تكسير الأوهام
و الأصنام المعبودين
ثورة بتفكيك الألغام
تضرب هالجهل باسفين
ثورة بتكبير الأحلام
تكتب للأمل دواوين
ثورة تحجيم الأقزام
ثورة تصلح حرف السين
– 8 –
ثورتنا ما بتحمل كذب
و ما بتطيق الكذابين
جذوتها إخلاص وحب
و صدق و مابتعرف تخوين
فكرة نزرعت جوا القلب
تزهر نارنج و ياسمين
سرقوها تجار الحرب
سرقوا العنب و أكلوا التين
– 9 –
يا سامع هي أرض الشام
أرض الناس الجبارين
أرض الهمة و الإلهام
و ما بيقبل شعبا التدجين
و ثورتنا مش رح تنضام ..
و رح تشرق لو بعد سنين
شمس تضوّي أرض الشام ..
و تحرق كل المحتلين

—-
الموّال
رحى الأيام عل الجنبين داروا
فقد كل حر أموالوا و دارو
بجفون العين غطوهم و داروا
ما ينحني الحر لو يا كل طراب

فوق الجمر
داعس فوق الجمر وطالع
حامل حلمي و حلم ألوف
صوتك يا حرية سامع
صوتك غيب صوت الخوف

حامل شمس و روحي بكفي
و رواحم حولي بتطوف
حلفنا بيوما بدنا نكفي
وصاروا عند المولى ضيوف

ان هدوا بيوت منرجع نبني
و عزتنا ما فينا نعوف
و ابنك رح يرجع مع ابني
و الرزق الضايع مخلوف

بسمع صوتك يرجف صوتي
يا صوت الحق المخطوف
و عيون الدنيا بتشتي

يا قلب الإم الملهوف

عم اهتف حرية و أبكي
عم شوف وجوهم عم شوف
فوق شفافن نرسم ضحكة
سقى الله آه و آخ و أوف

مشتاق لكتبي و مدرستي
مشتاق لضجة الصفوف
هدوها و قتلوا معلمتي
و عخدودي حفرت الحروف

يا امي من يوم الغبتي
صاب الشمس بعيني كسوف
مشتقلك يا عمري انت
اشتاقتلك لفات الصوف

نهتم بآرائكم ..

Your email address will not be published. Required fields are marked *

*
*

This site uses Akismet to reduce spam. Learn how your comment data is processed.