من أشعار : صاحب السمو الشيخ محمد بن راشد آل مكتوم
ألحان : مشاري العفاسي
توزيع : مصطفى قاسم – أحمد سعيد
إشراف : مصطفى حسين
—–

كلمات العمل :

لا تشغلْ البالْ بالدِّنيا تدَبِّرها
اللهْ المدَبِّرْ ويعلَمْ خافيْ أحوالكْ

نَفسكْ علىَ الجودْ والمعروفْ صبِّرهاْ
وإلجا لرَبِّكْ تشوفْ الخيرْ يبرالكْ

الأقدارْ ما أحَّدْ ياغيرْ اللهْ يقَدِّرها
الأمرْ أمرَهْ فلا يْجي شَكْ في بالكْ

سيرَتكْ بالطِّيبْ واهلْ الطِّيبْ عطِّرها
وإذا تبا يطيبْ ذكركْ طَيِّبْ أفعالكْ

حياةْ غيركْ ماتقدَرْ تغَيِّرها
عليكْ نفسكْ وأهلكْ وإحفَظْ إعيالكْ

وكِنْ قدوِهْ إلهُمْ بأفعالكْ تسَطِّرها
وإسلِكْ طريقْ الشَّهامِهْ تنجَحْ آمالكْ

وَإِنْ شفتْ أهلْ المعايرْ لا تعَيِّرها
إذا تعَيِّبْ بعيبْ بغَفلةٍ جا لِكْ

مطِيَّةْ الوَقتْ كمْ ترمَحْ مضَمِّرها
ودنياكْ تِكدَرْ وبعضْ أحيانْ تصفا لكْ

خذها بدوبْ وسهولْه لا تعَسِّرها
وإبخَلْ بعَرضكْ وأرخِصْ بالسِّخا مالكْ

مايحاسبْ اللهْ علىَ النِّيِّهْ ويَظْهِرها
اللهْ بعَدلِهْ ترىَ يحاسبْ علىَ أعمالِكْ